Hjálpar Gögn

Hjálpar Gögn eru ýmsar upplýsingar sem Íslendingar geta þurft á að halda á Spáni.

​Svo sem:

Flytja búslóð til Íslands:
Búslóðir þeirra sem flytja búferlum til Íslands eru tollfrjálsar að uppfylltum ákveðnum skilyrðum.
Það eru heimilismunir, til dæmis húsgögn og búsáhöld og aðrir persónulegir munir

Þau sem flytja til landsins eftir búsetu erlendis og hafa með sér ökutæki á erlendum númerum geta fengið leyfi til tímabundinnar undanþágu frá greiðslu aðflutningsgjalda.
Að jafnaði er þá um að ræða akstursleyfi til eins mánaðar. 

Nánar má lesa um þetta hér

Gaskútur -
Að skipta um gaskút er auðvelt að gera en að kaupa gaskút er annað mál.

Fara þarf á netið og fylla inn umsókn hjá viðkomandi gasfélagi og fá númer til að geta keypt gaskút.
Best er að fara á Facebook sölusíður, óska eftir eða leita af gaskúti til sölu (oft um 10-15evrur)
fara svo með hann á bensínstöð og kaupa áfyllingu (skipta tómum fyrir fullan).
Þá þarf ekkert að fylla út eða standa í eitthverju veseni.

Kaupa bíl á Spáni -
Til að kaupa sér bíl á Spáni þarf NIE númer og búsetu, þ.e.a.s að vera með Residensiu

eða skráð heimilisfang (padrón) eða sýna langtímahúsaleigusamning.

Ekki er nóg að vera bara með NIE. 
*Mælt með aðstoð frá Íslensku fasteignasölum á Spáni.
Hafa þarf í huga ef þú ætlar til Íslands með bílinn, þá þarf að skoða vel tollamál - sjá hér 

Keyra annara manna bíl á Spáni -
Td frændi þinn lánar þér bílinn sinn á Spáni og lögreglan stoppar þig.
Hún veit ekkert hvort þú stalst honum eða hvað.
þá ertu með leyfi frá honum til að keyra bílinn.
Þetta auðveldar og flýtir fyrir öllu sem kemur að lögreglunni.
Hér er hægt að ná í skjalið fyrir leyfi til að keyra - sækja hér.
Útskýrt hér á ensku.

Lífsvottorð - ​
Vottorð fyrir Íslendinga sem búsettir eru erlendis, yfirleitt notað vegna lífeyrismála
þegar viðkomandi þarf að staðfesta að hann sé á lífi til að fá greiddan lífeyri.

Hægt er að fara til Torrevieja Town Hall á Kirkjutorginu upp á fyrstu hæð.
Kostar ekkert og þarf ekki að panta tíma.
Þú fyllir út vottorðið, mætir með íslenska vegabréfið og láta þá bara skrifa undir.
leið hér. 

NIE -
Spænsk kennitala, allt um hvernig hægt er að nálgast NIE.
Hægt er að sækja um sjálf/ur en fasteignasalar og lögmenn veita líka aðstoð við það.
Til hvers NIE, hún er notuð til dæmis til að kaupa bíl, hús ogfrv.

Rafræn skilríki -
Auðkenni - Tvær aðferðir, með eða án símkorts. 

Ekki þarf að fljúga til Ísland til að redda sér rafrænum skilríkjum. 
Hægt er að nota Auðkennis appið.
Á síðunni þeirra er þetta útskýrt auðveldlega.

Residencia (Leyfi til varanlegrar búsetu)

Ef fólk ætlar að búa á Spáni þá þarf að fá „residenciu“ svokallaða, (hana þarf ef dvalið er lengur en 6 mánuði í landinu)

​þá þarf eftirfarandi:

•  Að skrá sig með lögheimili í ráðhúsi búsetubæjar.

•  Að sækja um spænska kennitölu (NIE).

•  Sækja um dvalarleyfi á lögreglustöð búsetubæjar.

•  Sækja um sjúkratryggingakort (Sjá hér) eða kaupa sér einkatryggingu.

•  Einnig þarf að geta sýnt fram á að fólk geti framfleytt sér, að nóg sé inni á
  ​ bankareikningi eða að fjárhagsleg innkoma sé trygg.

•  Ef fólk á húseign er nauðsynlegt að gera erfðaskrá.

•  Ef fólk er ekki spænskumælandi er gott að fá með sér einhvern sem tekur slíka þjónustu að sér.

Margar Íslenskar fasteignarsölur hér á síðunni veita mjög góða þjónustu við að afla þessara gagna.

RSK - 5.49 -
Umsókn um undanþágu frá skattlagningu launatekna eða lífeyristekna samkvæmt tvísköttunarsamningi - nánar um tvísköttunarsamningurinn 

Sendiráð Íslands í Madrid -
Sendiherra og starfslið sendiráðsins er þegar tekið til starfa.

Bóka tíma til að fá sækja um vegabréf eða nafnskírteini

Netfang sendirráðsins er: madrid@utn.is 

Opnunartími: 09:00 - 16:00 virka daga virka daga 

Ef þú lendir í vandræðum með vegabréfið þitt er hægt að biðja um aðstoð í gegnum þennan tölvupóst -  ice.consulate@gmail.com 

Facebook síða Sendiráðsins er hérna

Sími og símkort -
Að vera með Íslenskt og Spænskt símkort.  Hvernig sé ég spænska APPið.
Hér er mjög vel útskýrt hvernig er að vera með Spænskt og Íslenskt símkort í einum síma.
Einnig útskýrt App Store á Íslandi eða á Spáni.
Því þeir sem eru með símann stilltan á Ísland fá ekki sömu forrit og þau sem bjóðast á Spáni. 

S1 vottorð -
Með því að sækja um S1 vottorð
verður einstaklingur sjúkratryggður í nýja búsetulandinu og
fær alla þá sömu þjónustu og aðrir sjúkratryggðir einstaklingar í því landi.
Einstaklingurinn heldur þó einnig áfram að vera sjúkratryggður á Íslandi. 

Tips á Spáni - Þjórfé -
Er nauðsynlegt að skilja eftir "tips", stutt svar: Nei.
En ef þú hefur fengið afbragsgóða þjónustu, þá er venjan 5-10% af upphæðinni.
En það er enginn skilda að skilja eftir þjórfé á Spáni.

Þýða síðu -
Hér er sýnt hvernig þú getur þýtt flest allar spænskar síður yfir á Íslensku eða á önnur tungumál. 

Hvernig Spáni er skipt í héröð